Uncategorized

Vel heppnuð innanlandsráðstefna EPTA

Posted on by epta
Frábær þátttaka var í 3. EPTA ráðstefnu Íslandsdeildar sem haldin var í Bergi Hljómahöll í samstarfi við Tónlistarskóla Reykjanesbæjar 14. janúar sl. Sóttu hátt í fjórða tug píanókennara landsins ráðstefnuna til að hlýða á innlenda og erlenda fyrirlesara. Hápunktur ráðstefnunnar voru fyrirlestur prófessors Juliu Mustonen-Dahlkvist um undirbúning nemenda fyrir keppnir og einleikstónleikar Aristo Sham sem flutti úrval verka eftir Scarlatti, Scriabin, Liszt, Brahms og Barber. Það var heiður fyrir EPTA að kynna slíka rísandi stjörnu fyrir Íslendingum og verður spennandi að fylgjast með þessum unga snilling.
Ummæli Haralds A. Haraldssonar skólastjóra Tónlistarskóla Reykjanesbæjar eru lýsandi fyrir hversu vel ráðstefnan heppnaðist í alla staði: “Ég fann mjög vel fyrir ánægju ráðstefnugesta, bæði með efnistökin á ráðstefnunni og aðstöðunni sem EPTA bauð sínu fólki upp á. Ég er ánægður með að hafa fengið að vera hluti af því með skólanum mínum. Tónleikarnir voru frábærir! Gaman og nærandi að sjá og heyra svona ungan virtúós. Gríðarlega þroskaður flutningur og öll mótun, tónmyndun og blæbrigði snertu mig óneitanlega, eins og aðra tónleikagesti. Stjórn EPTA má vera stolt af upplagi ráðstefnunnar og því hvernig til tókst.” Júlíana Rún Indriðadóttir skólastjóri Tónskóla Sigursveins sagði um ráðstefnuna: “mjög fínir og vel fluttir fyrirlestrar – tónleikarnir í lokin voru náttúrulega ótrúlegir, – ég hef sjaldan heyrt annan eins píanóleik.“

Minnum á Innanlandsráðstefnu

Posted on by epta

Minnum á EPTA Innanlandsráðstefnuna sunnudaginn 14. janúar í Bergi tónleika- og fyrirlestrarsal Tónlistarskóla Reykjanesbæjar frá kl. 10:00-19:00. Fjölbreytt erindi innlendra og erlendra gestafyrirlesara: Professor Julia Mustonen-Dahlkvist frá University of Karlstad, Sunna Gunnlaugsdóttir, Björg Brjánsdóttir, Kári Árnason, Bjargey Þrúður Ingólfsdóttir og einstakur listviðburður kl. 17:30 – einleikstónleikar hins margverðlaunaða unga píanóleikara frá Hong Kong – Aristo Sham. Skráningar hafa gengið mjög vel og stefnir allt í frábæra og fræðandi ráðstefnu að hætti Íslandsdeildar EPTA.

Hægt verður að kaupa dagspassa samdægurs á ráðstefnuna og einnig verður hægt að kaupa miða á tónleika Aristo Sham eingöngu sem hefjast kl. 17:30. Verð dagspassa: kr. 15.000 / 8000 fyrir námsmenn (innifalin létt hádegis-og síðdegishressing); verð tónleikamiða: kr. 2500 / 1500 fyrir námsmenn, aldraða og öryrkja.
Minnum á að hægt er að sækja um styrk fyrir ráðstefnugjaldi í endurmenntunarsjóði stéttarfélaga.

Innanlandsráðstefna Íslandsdeildar EPTA – 14. janúar 2018

Posted on by epta

Næsta innanlandsráðstefnan verður haldin sunnudaginn 14. janúar 2018 í Bergi tónleika- og fyrirlestrarsal Tónlistarskóla Reykjanesbæjar frá kl. 10:00-19:00. Tónlistarskólinn hefur boðið okkur velkomin að nýta hina frábæru aðstöðu sem þar er til staðar og hlökkum við til að halda næstu innanlandsráðstefnuna utan höfuðborgarsvæðisins, síðast þegar EPTA félagar lögðu land undir fót var ekkert smávegis fjör og vonumst við til að sem flestir sjái sér fært að mæta.

Til þess að EPTA félagar geti gert sér glaða helgi í tengslum við innanlandsráðstefnuna höfum við fengið tilboð í gistingu á Hótel Berg (kr. 12.000 fyrir tveggja manna herbergi m. morgunverði) og hátíðarkvöldverð á Kaffi Duus (kr. 5400 3. rétta matseðill) laugardaginn 13.1. fyrir félagsmenn. ATH. félagsmenn bóka sjálfir gistingu með því að senda á berg@hotelberg.is v. innanlandsráðstefnu EPTA. Til að taka þátt í hátíðarkvöldverði á Kaffi Duus þarf að senda staðfestingu á epta@epta.is

Laugardaginn 13.1. er hægt að nýta til afslöppunar enda margt hægt að gera og sjá á svæðinu, Bláa lónið og ýmis menningarstarfsemi og söfn 

Lokaskráningarfrestur á innanlandsráðstefnuna er til 22. des. nk. Skráningargjald á ráðstefnuna er kr. 12.500 fyrir EPTA félaga og kr. 15.000 fyrir aðra, sem innifelur léttan hádegisverð, kaffi og síðdegishressingu og greiðist við skráningu fyrir 15. des. nk. Vinsamlegast greiðið inn á reikning EPTA 0515-26-13773 kt. 690586-2239 og sendið skýringu á epta@epta.is Minnum á að hægt er að sækja um styrk fyrir ráðstefnugjaldi í endurmenntunarsjóði stéttarfélaga.

Dagskrá innanlandsráðstefnunnar verður fjölbreytt og metnaðarfull að vanda, innlendir og erlendir gestafyrirlesarar miðla af reynslu sinni og þekkingu. Þar má nefna Björgu Brjánsdóttur, flautuleikara og Timanikennara sem kynnir Timaniaðferðina um góða líkamsbeitingu við hljóðfæraleik, Bjargeyju Þrúði Ingólfsdóttur, deildarstjóra hljómborðsdeildar í Tónlistarskóla Reykjanesbæjar sem fjalla mun um spunakennslu píanónema, Kára Árnason, sjúkraþjálfara hjá Gáska og Landspítalanum- Háskólasjúkrahúsi sem fjalla mun um áhrif hljóðfæraleiks á stoðkerfið og Sunnu Gunnlaugsdóttur, jazzpíanóleikara og kennara við MÍT sem fjalla mun um kennslu í ritmísku píanónámi.

Upptaktur að VII. píanókeppni EPTA sem fram fer 23.-24. nóv. 2018 verður gestafyrirlestur prófessor Juliu Mustonen-Dahlkvist á innanlandsráðstefnunni en hún er deildarstjóri píanódeildar Ingesund College of Music við háskólann í Karlstad. Prófessor Mustonen-Dahlkvist er eftirsóttur píanóleikari, verðlaunahafi, dómari, gestafyrirlesari og kennari víða um heim auk þess að gegna stöðu listræns stjórnanda Nordic Piano Competition í Svíþjóð. Hún mun alla um eitt af sérsviðum sínum, undirbúning nemenda fyrir keppnir og sitja fyrir svörum ráðstefnugesta en nemendur hennar hafa unnið til verðlauna víða um heim. Ráðstefnunni lýkur með spennandi tónleikum nemanda Mustonen-Dahlkvist og rísandi stjörnu í píanóheiminum, Aristo Sham sem hlotið hefur fjölmörg verðlaun í alþjóðlegum keppnum á ferli sínum. Hann kemur til okkar beint frá tónleikahaldi í Bandaríkjunum á ferð sinni yfir hafið og verða tónleikar hans án efa hápunktur ráðstefnunnar. Á efnisskránni verða verk eftir Scarlatti, Scriabin, Liszt, Brahms og Barber.

Dagskrá ráðstefnunar má nálgast hér: Dagskrá Innanlandsráðstefnu Íslandsdeildar EPTA 14.janúar 2018

 Skráning fer fram hér: Skráning á 3. innanlandsráðstefnu EPTA

Halldór Haralds útgáfukaffi – Þá er ástæða til að hlæja

Posted on by epta

Kæru félagar

Við viljum vekja athygli á eftirfarandi viðburði.

Jónas Sen – Þá er ástæða til að hlæja – Æviminningar Halldórs Haraldssonar píanóleikara

Að útgáfu bókarinnar standa vinir Halldórs Haraldssonar (VHH) í tilefni af áttatíu ára afmæli Halldórs. VHH bjóða til útgáfukaffis í Hannesarholti laugardaginn 7. október á milli kl. 15-17. Þar munu Halldór og Jónas árita bókina auk þess sem lesið verður upp úr bókinni og slegið á létta strengi. Verð bókarinnar er kr. 7.990 en geisladiskur fylgir hverri seldri bók hjá vinum Halldórs. Forseld eintök verða afhent í útgáfukaffi VHH auk þess sem hægt verður að nálgast bókina hjá vinum Halldórs og á öðrum kynningarviðburðum sem auglýstir verða síðar.

„Þá er ástæða til að hlæja“ æviminningar Halldórs Haraldssonar píanóleikara sjóðheitar úr prentun í byrjun október 2017! Áhugasamir um að eignast eintak af þessari bráðskemmtilegu bók geta haft samband við einhvern eftirtalinna: Sigrún Grendal: sigrungrendal@gmail.com Berglind Björk Jónsdóttir: berglind@miranda.is Arndís Björk Ásgeirsdóttir: arndisb@ruv.is Sóley Skúladóttir: shs28@hi.is Þórarinn Stefánsson: tstef@simnet.is Jónas Sen: senjonas@gmail.com Halldór Haraldsson: halldorharalds@gmail.com

Skrásetning æviminninganna var í höndum Jónasar Sen og um ritstjórn sá Sigurður Svavarsson.

Heimsókn frá Ítalíu

Posted on by epta

Listasafn Sigurjóns
þriðjudagskvöld 8. ágúst 2017 kl. 20:30

Miðasala við inn­gang­inn
Aðgangseyrir kr. 2500
Tekið er við greiðslukortum

Heimsókn frá Ítalíu

Á þess­um næst­síðu­stu tón­leik­um sum­ars­ins í LSÓ
verður Bösendorfer flygill safns­ins í aðal­hlut­verki. Þá
leika ítölsku píanó­leik­ar­arn­ir Marco Scol­astra og
Se­basti­ano Brusco fjór­hent á flygil­inn:

Deux Marches car­actér­ist­iques eftir Franz Schubert,
Ungar­ische Tänze_eftir Jo­hann­es Brahms,
Hug­leið­ing­ar eftir Gius­eppe Mart­ucci
um „Un ballo in masch­era“ eftir Verdi,
Blað­síður úr stríð­inu eftir Alf­redo Cas­ella
Ítalska kapr­ísu, ópus 45 eftir Pjotr Tjai­kovski.

Marco og Sebasti­ano eru báð­ir afar virtir og eftir­sótt­ir
píanó­leik­ar­ar í heima­landi sínu og hafa unn­ið til
þekktra verð­launa og viður­kenn­inga á al­þjóð­leg­um
vett­vangi. Er það því mikill feng­ur að fá að heyra leik
þeirra hér á landi.

Marco Scolastra píanó­leik­ari fædd­ist í Fol­igno á Ítalíu. Hann nam við
Tón­listar­há­skól­ann F. Morlacchi í Perugia undir
hand­leiðslu Franco Fabiani og út­skrif­að­ist það­an með
hæstu eink­unn. Hann stund­aði síð­an nám hjá Aldo Ciccolini
og Ennio Pastor­ino og sótti tíma hjá Lya De Bar­beriis, Paul
Badura-Skoda, Dario De Rosa. Einn­ig nam hann hjá Joa­quín
Achú­carro og Katia La­bèque við aka­demí­una í Chigiana.
Hann hef­ur leik­ið ein­leik með kammer­sveit­um og
sin­fóníu­hljóm­sveit­um víða um Ítalíu og öll­um helstu
borg­um Evr­ópu, í Japan, Mexíkó og Banda­ríkj­un­um. Af
tón­leika­stöð­um má nefna Teatro La Fenice, Tjai­kovskí
tón­lista­rhá­skól­ann í Moskvu, Ton­halle og
Út­varps­húsið í Zürich, Konsert­húsið í Bern og Chopin
stofn­un­ina í Varsjá.
Marco Scolastra hefur leik­ið með þekkt­um stjórn­end­um svo
sem Romano Gandolfi, Howard Griffiths, Richard Hickox, Claudio Scimone
og Lior Shamba­dal. Hann hef­ur kom­ið fram í út­varpi og
sjón­varpi víða um Ev­rópu og hef­ur hljóð­rit­að
geisla­diska fyrir Phoenix Classics, Stradi­varius og Rai
Inter­nation­al.

Ítalski píanó­leik­ar­inn, Sebastiano Brusco stund­aði píanó­nám hjá
Val­ent­ino Di Bella við Tón­listar­há­skól­ann F. Morlacchi
í Perugia og síðar í Accad­emia Musi­cale Umbra Endas hjá Ennio
Pastor­ino og Aldo Ciccolini. Báðum þess­um skól­um lauk hann
með besta vitnis­burði. Einn­ig hef­ur hann sótt tíma til
píanó­leik­ara eins og Joaquín Achúcarro og Katia Labèque.
Hann hefur kom­ið fram í helstu borg­um Evrópu og víða í
Banda­ríkj­un­um. Hann hefur starf­að með þekkt­um
hljóð­færa­leik­ur­um á borð við Vadim Brodsky
fiðlul­eik­ara, leik­ið með hljóm­sveit­um og
kammer­sveit­um eins og Bern­ini kvart­ett­in­um, I Solisti
Veneti í Feneyjum og Sin­fón­íu­hljóm­sveitinni í Mílanó,
með stjórn­end­um eins og Riccardo Chailly, Romano Gandolfi og
Claudio Scimone. Hann leik­ur eink­um 20. ald­ar tón­list og
hef­ur frum­flutt verk eft­ir tón­skáld­in Tosatti, M. Gould,
Milhaud, Boriolo, Taglietti og fleiri.
Se­basti­ano hef­ur hlot­ið fjölda­mörg verð­laun fyrir
tón­listar­flutn­ing heima á Ítalíu og í al­þjóð­leg­um
tón­listar­keppn­um, með­al annars Carlo Soliva verðl­aun­in
árið 1998.

Sebastiano Brusco og Marco Scolastra hafa leik­ið reglu­lega
sam­an sem píanó­dúó frá ár­inu 1993 og hafa kom­ið víða
fram og gef­ið út geisla­disk­inn Colours and Virtuo­sity of
the 20th Cent­ury in Italy sem Phoenix Classics gaf út.

17-08-08-Sebastiano-Marco

Vorgleði Íslandsdeildar EPTA í kvöld

Posted on by epta

Í tilefni hækkandi sólar ætlum við EPTA félagar að hittast og gleðjast saman í kvöld á veitingastaðnum Sólon, Bankastræti 7a, 101 Reykjavík.

Boðið verður upp á léttar veitingar og því nauðsynlegt að skrá sig á viðburðinn á facebook eða í tölvupósti á epta@epta.is 🙂

Sumarkveðjur,
Stjórnin

Tónleikar til heiðurs 2,567 ára afmæli Konfúsíusar

Posted on by epta
Í tilefni 2,567 ára afmæli Konfúsíusar kynnir Konfúsíusarstofnunin Norðurljós: Píanóleikarinn DAVID WITTEN

Kaldalón, Harpa
Laugardagur 20:00
September 24, 2016

Flutt verða verk eftir —
Yinghai Li
Alexander Tcherepnin
Bohuslav Martinů
Alexina Louie
Wolfgang Amadée Mozart
Frédéric Chopin
“The inner nature of man is the province of music.”
  – Confucius