Skráning á 38. alþjóðlegu ráðstefnu EPTA sem haldin verður á Íslandi 22. til 25. september er nú í fullum gangi og við minnum fólk á að snemmskráningargjald er til og með 17. júní.

Einhverjir hafa lent í vandræðum með skráningu á ráðstefnuna og hér koma því nánari leiðbeiningar.

1. Farið inn á ráðstefnuheimasíðuna sem er á ensku – ekki íslensku
2. Farið inn á “Registration” sem er vinstra megin á síðunni.
3. Þá kemur skráningaeyðublað upp, líka á ensku, sem þarf að fylla út.  Athugið að Skráningagjaldið er í evrum. Þar sem allir þurfa að borga með kreditkorti á það ekki að breyta neinu jafnvel fyrir Íslendingana. Við urðum að hafa verðið í Evrum þar sem hún var stöðugri en krónan og það var einfaldara að hafa eina síðu á ensku.

Vonandi er þetta allt saman skýrt og klárt og endilega drífið í að skrá ykkur fyrir 17.júní.

Hlökkum mikið til að sjá ykkur öll í Hörpu í September.

EPTA í Hollandi hefur nýverið gefið út meirihluta erindanna sem flutt voru á 37. alþjóðlegu ráðstefnu EPTA í Amsterdam 2015. Um er að ræða 136 blaðsíðna, sérstaka útgáfu af blaðinu Piano Bulletin. EPTA í Hollandi býður fólki að hala því frítt niður í gegnum heimasíðu sína.https://www.eptanederland.nl/piano-bulletin/

Einnig er möguleiki að panta prentað eintak á €16,50 með póstgjaldi inniföldu fyrir þá sem eru utan Hollands. Borga þarf fyrirfram. Pöntun fer fram í gegnum netfangið: administratie@eptanederland.nl

Auglýst er eftir umsóknum um fyrirlestur, kynningu eða tónlistaratriði – Umsóknafrestur framlengdur til 26.febrúar 2016. pdf

Kæru vinir,

Við ætlum að hittast laugardaginn 5.desember kl.16:00 í Snorrabúð, sal Söngskólans í Reykjavík sem er til húsa að Snorrabraut 54.
Þar ætlum við m.a. að ræða nýyfirstaðna VI. píanókeppni EPTA, segja stuttlega frá 37.alþjóðlegu ráðstefnu EPTA sem haldin var í Amsterdam í október og svo ræða undirbúning okkar ráðstefnu sem verður innan árs. Nú er mikilvægt að við fáum allan mögulegan liðsstyrk ef við ætlum að gera þetta með stæl!

Með þessu öllu ætlum við að bjóða upp á glögg og pipakökur.

Er ekki tilvalið að skella sér í glögg eftir kennslu, Laugarvegsrölt eða áður en farið er í matarboð!

Hlökkum til að sjá ykkur hress,
Stjórnin

Kæru félagsmenn,

Þá er VI. píanókeppni EPTA afstaðin en við sláum ekki slöku við.

Á laugardaginn 14.nóv kl 15:00-16:30 verður haldin, í samstarfi við KÍ og Tónastöðin, námsefniskynning á  píanókonsertum,  fyrir grunn-, mið- og framhaldsnám.
Kynningin fer fram í Tónastöðinni Skipholti 50d.

Þetta er gert í tilefni af nýja konsertflokknum á Nótunni 2016. Sýnishorn af nótum verða á staðnum en pöntunarlisti liggur frammi fyrir þá sem finna eitthvað spennandi.

Ef þú átt píanókonsert í þínum fórum sem þú vilt kynna fyrir kollegum þínum, kipptu honum þá endilega með.

Hittumst og klingjum glösum undir dynjandi tónum.

Kær kveðja,
Stjórnin

1. sæti

Yngsti flokkur, 10 ára og yngri:
Ásta Dóra Finnsdóttir
Kennari: Kristinn Örn Kristinsson
​Allegro Suzuki tónlistarskólinn, Reykjavík

Helga Sigríður E. Kolbeins
Kennari: Anna Magnúsdóttir
​​Tónlistarskóli Garðabæjar, Álftanesi

1. flokkur, 14 ára og yngri:
Anais Lilja Bergsdóttir
Kennari: Kristinn Örn Kristinsson
​Allegro Suzuki tónlistarskólinn, Reykjavík

2. flokkur, 18 ára og yngri:
Mikolaj Ólafur Frach
​Kennari: Iwona Frach
​​​​Tónlistarskóli Ísafjarðar

3. flokkur, 25 ára og yngri:
Erna Vala Arnardóttir
Kennari: Peter Maté
​​Listaháskóli Íslands

2. sæti

1. flokkur, 14 ára og yngri:
Kári Egilsson
Kennari: Birna Helgadóttir
Tónskóli DoReMí

2. flokkur, 18 ára og yngri:
Alexander Smári Kristjánsson Edelstein
Kennari: Þórarinn Stefánsson​
Tónlistarskólinn á Akureyri

3. flokkur, 25 ára og yngri:
Romain Þór Denuit
​Kennari: Edda Erlendsdóttir

3. sæti

1. flokkur, 14 ára og yngri:
Hrefna Svavarsdóttir
Kennari: Kristinn Örn Kristinsson
Allegro Suzuki tónlistarskólinn, Reykjavík

2. flokkur, 18 ára og yngri:
Pétur Ernir Svavarsson
Kennari: Beata Joó​​
Tónlistarskóli Ísafjarðar

3. flokkur, 25 ára og yngri:
Lilja María Ásmundsdóttir
​Kennari: Peter Maté
​​Listaháskóli Íslands

Besti flutningur á verkinu „Segulljós“ eftir Önnu Þorvaldsdóttur

Alexander Smári Kristjánsson Edelstein
Kennari: Þórarinn Stefánsson​
Tónlistarskólinn á Akureyri

Verðlaunaafhending VI. píanókeppni Íslandsdeildar EPTA fer fram í Salnum í Kópavogi á morgun, sunnudaginn 8. nóvember, klukkan 14:00.

Allir keppendur, eða fulltrúar þeirra, mæta til að taka á móti viðurkenningarskjali.

Aðgangur er að sjálfsögðu ókeypis á verðlaunaafhendinguna.
Hlökkum til að sjá sem flesta.