Fimmta innanlandsráðstefna EPTA á Íslandi 19. september 2020

Fimmta innanlandsráðstefna EPTA á Íslandi verður haldin laugardaginn 19. september 2020 í sal Tónlistarskóla Garðabæjar í Kirkjulundi 11, 210 Garðabæ.

Dagskrá ráðstefnunnar:

Kl. 10:00 

Dr. Helga Rut Guðmundsdóttir, prófessor við Menntavísindasvið Háskóla Íslands heldur fyrirlestur um tónlist og heilann. Helga Rut hefur um árabil stundað rannsóknir um efnið og mun veita okkur innsýn í niðurstöður.

Kl. 11:00 

Umræður um EPTA keppnina sem verður haldin í nóvember 2021 sem og um viðburð félagsins 17. desember 2020 þar sem stendur til að halda hátíðlegan dag í minningu Árna Kristjánssonar, píanókennara sem hefði átt afmæli þann dag en dagurinn er einnig skírnardagur L. v. Beethovens.

Kl. 12:00 – 13:00

Hádegishlé að eigin vali t.d. Matstofa Garðabæjar eða verslunarkjarninn í nálægð skólans.

Kl. 13:00

Dr. Hafrún Kristjánsdóttir , sálfræðingur, lektor og sviðsstjóri í tækni- og verkfræðideild HR mætir með annað erindi um hvernig tónlistarnemar geta nýtt sér fræði íþróttasálfræðinnar. Erindið er sjálfstætt framhald fyrirlesturs sem hún hélt á síðustu innanlandsráðstefnu EPTA í nóvember 2019.

Kl. 14:15

Píanóleikarinn og píanókennarinn Kristinn Örn Kristinsson verður með erindi um Suzuki kennsluaðferðina. Kristinn Örn hefur kennt eftir Suzukiaðferðinni um árabil og er t.a.m. að fara af stað í haust með nýjan árgang nemenda í Suzukiaðferðinni fyrir píanó.

Áætlað er að ráðstefnulok verði um kl. 15:30

Verð á ráðstefnu fyrir félagsmenn EPTA: kr. 6.000,-
Verð á ráðstefnu fyrir þá sem ekki eru í félaginu: kr. 10.000,-

Kl. 16:30

Píanótónleikar í Salnum, Kópavogi – Kristín Jónína Taylor píanóleikari og Bryan Stanley píanóleikari flytja sónötur Beethovens. Fyrstu tónleikar í röð fleiri sem Salurinn í Kópavogi stendur fyrir í tilefni 250 ára afmælis L. v. Beethovens. Hugmyndina átti Jónas Ingimundarson en Peter Máté hefur unnið við skipulagningu. Enginn aðgangseyrir.

Skráning sendist á netfangið epta@epta.is seinast sunnudaginn 13. september 2020 kl. 23:59. Vinsamlega greiðið inn á reikning félagsins: 515-26-13773 kt.: 690586-2239. Hægt er að nýta styrk úr Endurmenntunarsjóði FT og Endurmenntunarsjóði FÍH.

Við hvetjum félagsmenn til að mæta!

Stjórn EPTA á Íslandi.

Styrkur til framhaldsnáms í píanóleik

Minningarsjóður um Birgi Einarson apótekara mun á næstunni veita styrk til píanóleikara, sem er í framhaldsnámi erlendis í klassískum píanóleik eða er að hefja slíkt nám.

Með umsókn skulu fylgja greinargóðar upplýsingar um tónlistarnám og eftir atvikum starfsferil umsækjanda og fyrirhugað framhaldsnám. Þá skal fylgja hljóðritun af leik umsækjanda á tónleikum eða myndbandsupptaka.
Umsóknum skal skila fyrir 1. júní 2020 til formanns sjóðsstjórnar, Ingu Ástu Hafstein, Stokkalæk, Rangárþingi ytra, 851 Hella.

Dagskrá fjórðu innanlandsráðstefnu EPTA á Íslandi

Laugardagur 9. nóvember 2019 í Hannesarholti.

Kl. 10:00 – Þórarinn Stefánsson píanóleikari, píanókennari og útgefandi og Björgvin
Þ. Valdimarsson píanókennari, hljóðfærakennari og útgefandi kynna nýútkomið efni.

Kl. 10:45 – Sirkka-Liisa Kärkkäinen frá Finnlandi verður með vinnustofu í skapandi tónlist.

Sirkka-Liisa er kennari við Sibeliusarakademíuna í Helsinki og hefur áralanga reynslu af sköpunarþætti í píanókennslu.

Kl. 11:45 – HÁDEGISHLÉ

Kl. 13:15 – Sirkka-Liisa Kärkkäinen frh. vinnustofu og verkefni leikin (Pop-up concert).

Kl. 14:00 – Ástvaldur Traustason píanóleikari og Zen iðkandi verður með erindið:
„Vakandi athygli“ – praktískar æfingar við hljóðfærið og í kennslu.

Kl. 15:00 – Dr. Hafrún Kristjánsdóttir, sálfræðingur, lektor og sviðsstjóri í tækni-
og verkfræðideild HR sem og dósent og sviðsstjóri íþróttafræðisviðs HR mun ræða um
hvort tónlistarnemendur geti nýtt sér íþróttasálfræði;

Kl. 16:00 – Félagsmenn EPTA á Íslandi sem hafa sótt MTNA ráðstefnur síðustu ár í
USA munu hafa til sýnis og kynna nótnabækur sem þeir hafa kynnst og notað í kennslu.

Að ráðstefnu lokinni verður farið á Hamingjustund í miðborg Reykjavíkur.

Verð kr. 13.500,- Innifalið er kaffi/te yfir daginn ásamt grænmetissúpu og brauði í hádeginu. Leggist inn á reikning 0515-26-13773 kt.: 690586-2239

Við vekjum athygli á að hægt er að sækja um styrk hjá Endurmenntunarsjóði KÍ fyrir ráðstefnunni.
Skráningarfrestur er til og með kl.12:00 á hádegi 31. október.

Vinsamlegast sendið staðfestingu á skráningu og greiðslu á netfangið: epta@epta.is og einnig ef áhugi er á að eignast bók Jyrki Tenni og Ralph Abelein.

Vonumst til að sjá sem flesta,
Stjórn EPTA á Íslandi

Fjórða innanlandsráðstefna Íslandsdeildar EPTA

Fjórða innanlandsráðstefna Íslandsdeildar EPTA verður haldin laugardaginn 9. nóvember 2019 í Hannesarholti frá kl. 10:00 til 17:00.

Á dagskránni verða erindi innlendra og erlendra fyrirlesara.

Dr. Hafrún Kristjánsdóttir, sálfræðingur, lektor og sviðsstjóri í tækni- og verkfræðideild HR sem og dósent og sviðsstjóri íþróttafræðisviðs HR mun ræða um hvort tónlistarnemendur geti nýtt sér íþróttasálfræði;

Ástvaldur Traustason píanóleikari og Zen iðkandi verður með erindið: „Vakandi athygli“ – praktískar æfingar við hljóðfærið og í kennslu;

Þórarinn Stefánsson píanóleikari, píanókennari og útgefandi og Björgvin Þ. Valdimarsson píanókennari, hljóðfærakennari og útgefandi kynna nýútkomið efni;

Sirkka-Liisa Kärkkäinen frá Finnlandi verður með vinnustofu í skapandi tónlist. Sirkka-Liisa er kennari við Sibeliusarakademíuna í Helsinki og hefur áralanga reynslu af sköpunarþætti í píanókennslu. Efnið getur t.d. nýst vel í valþætti fyrir áfangapróf.

Von er á gestum frá Færeyjum, Grænlandi og meðlimum EPTA í Danmörku sem munu deila með okkur þeirra reynslu um píanókennslu og aðferðir.

Félagsmenn EPTA á Íslandi sem hafa sótt MTNA ráðstefnur síðustu ár í USA munu hafa til sýnis og kynna nótnabækur sem þeir hafa kynnst og notað í kennslu.

Að ráðstefnu lokinni verður farið á Hamingjustund sem verður tilkynnt síðar.

Verð kr. 13.500,- Innifalið er kaffi/te yfir daginn ásamt grænmetissúpu og brauði í hádeginu. Leggist inn á reikning 0515-26-13773 kt.: 690586-2239

Við vekjum athygli á að hægt er að sækja um styrk hjá Endurmenntunarsjóði KÍ fyrir ráðstefnunni.

Skráningarfrestur er til og með kl.12:00 á hádegi 31. október. Vinsamlegast sendið staðfestingu á skráningu og greiðslu á netfangið: epta@epta.is

Vonumst til að sjá sem flesta,

Stjórn EPTA á Íslandi 

jeremy-harpa2

Einn fremsti píanóleikari Bandaríkjanna, Jeremy Denk sækir Ísland heim í fyrsta sinn. Hann kemur til landsins á vegum Evrópusambands píanókennara á Íslandi (EPTA) en félagið fagnar 40 ára afmæli um þessar mundir.

Jeremy Denk hefur hlotið MacArthur “Genius” viðurkenninguna og Avery Fisher verðlaunin. Jeremy Denk kemur reglulega fram í Carnegie Hall en undanfarin ár hefur hann komið fram með Sinfóníuhljómsveit Chicago, Fílharmóníusveitinni í New York, Fílharmóníusveitinni í Los Angeles, Sinfóníuhljómsveit San Francisco og Cleveland hljómsveitinni. Auk þess hefur Denk farið í tónleikaferðir með Academy of St Martin in the Fields og leikið í Royal Albert Hall á BBC Proms. Hann hefur síðastliðinn áratug leikið reglulega með hinum margverðlaunaða fiðluleikara Joshua Bell en hann mun spila í Hörpu í október.

Á tónleikunum mun Jeremy leika verk eftir J. S. Bach, György Ligeti, Franz Liszt, Alban Berg og Robert Schumann.

Nánari upplýsingar um tónleikana á www.harpa.is/dagskra/vidburdur/pianoleikarinn-jeremy-denk-i-horpu/

Vefsíða og blogg listamannsins er: jeremydenk.net

Nemendum bjóðast miðar á afsláttarverði í miðasölu Hörpu.

Samhliða tónleikunum verður Jeremy með masterclass mánudaginn 30. september kl. 11:00 – 13:00 í sal Tónlistarskóla Garðabæjar í Kirkjulundi fyrir lengra komna nemendur.  Aðgangur er ókeypis og eru allir velkomnir á meðan húsrúm leyfir.

Píanótónleikar Jeremys Denks í Norðurljósum, Hörpu sunnudaginn 29. september

Miðasala er hafin á tónleika píanóleikarans Jeremys Denks sem verða haldnir í Norðurljósasal Hörpu sunnudaginn 29. september nk. kl. 20:00. Almennt miðaverð er kr. 5.000,- en félagsmönnum og nemendum býðst góður afsláttur á tónleikana á kr. 3.500,-

Jeremy kemur til landsins á vegum EPTA á Íslandi en félagið fagnar 40 ára afmæli um þessar mundir.

Jeremy hefur hlotið MacArthur “Genius” viðurkenninguna og Avery Fisher verðlaunin. Hann kemur reglulega fram í Carnegie Hall en undanfarin ár hefur hann komið fram með Sinfóníuhljómsveit Chicago, Fílharmóníusveitinni í New York, Fílharmóníusveitinni í Los Angeles, Sinfóníuhljómsveit San Francisco og Cleveland hljómsveitinni. Auk þess hefur Denk farið í tónleikaferðir með Academy of St Martin in the Fields og leikið í Royal Albert Hall á BBC Proms. Hann lauk prófi frá Tónlistarháskólanum í Oberlin, Indiana háskólanum og Juilliard tónlistarháskólanum í New York.

Vefsíða og blogg listamannsins er: jeremydenk.net

Tónleikarnir í Hörpu: https://www.harpa.is/dagskra/vidburdur/pianoleikarinn-jeremy-denk-i-horpu/

Vonumst til að sjá sem flesta!