Við viljum vekja athygli ykkar á, að nú er komið að VI. píanókeppni Íslandsdeildar EPTA  sem mun fara fram í Salnum, tónlistarhúsi Kópavogs, dagana 4. til 8. nóvember næstkomandi.

Dagskrá keppninnar er á eftirfarandi tímum:

Miðvikudag, 4. nóv 2015        kl.9-15

Miðvikudag, 4. nóv 2015      kl.16- 18 Keppni í Yngsta flokki 10 ára og yngri, tónleikar og verðlaunaafhending.

Fimmtudag, 5.nóv 2015         kl.9-18

Laugardag, 7. Nóv 2015        kl.10-16   Úrslit

Sunnudag, 8.nóv 2015           kl.14-16   Verðlaunaafhending

Aðgangur er öllum opinn og ókeypis fyrir nemendur, 1000 kr. fyrir aðra.

Dagskrá keppninnar, tímatöflu æfinga, bækling með upplýsingum og verkefnalistum ásamt leyfisbréfi til að skila til grunnskóla svo hægt sé að sækja keppnina á skólatíma er að finna í valmyndinni hér að ofan.

Það skiptir miklu máli, í þvi umhverfi sem tónlistarskólar starfa í dag, að tónlistarkennarar sýni samstöðu og mæti á svona stóran viðburð sem píanókeppnin er. Það er einlæg ósk Íslandsdeildar EPTA að píanókennarar mæti og hvetji sína nemendur einnig til að koma og fylgjast með jafnöldrum þeirra leika.  Það er bæði spennandi, skemmtilegt og lærdómsríkt að fylgjast með keppendum og þannig brjóta upp hefðbundna kennslu.

Með von um góð viðbrögð og hlökkum til að sjá ykkur sem flest í Salnum.

 

Nú er búið að taka í gagnið nýja heimasíðu íslandsdeildar EPTA. Það er von okkar að hún nýtist vel við að koma upplýsingum til skila á skilmerkilegan og þægilegan hátt. Síðan er einkar þægileg aflestrar á snjalltækjum og ætti því að vera aðgengileg hvar og hvenær sem er.

Verið er að leggja lokahönd á síðuna en það ætti ekki að koma í veg fyrir að notendur hennar geti nálgast þær upplýsingar sem á þarf að halda.

 

Dagskrá keppninnar

Tímatafla æfinga í Salnum

Leyfisbréf til skóla

Í maí blaði EPTA Journal birtist heilmikið efni um Ísland.

Með góðfúslegu leyfi er hér tengill á síðurnar um Ísland.

 

Hér er hægt að nálgast bæklinginn um keppnina sem verður haldin 3. til 8. nóvember 2015

37. alþjóðlega ráðstefna EPTA verður haldin í Hollandi dagana 22. til 25. október.

Yfirskrift ráðstefnunnar í ár er „Key Connections“ eða „Lykiltengingar“ og fjölbeytt úrval fyrirlestra í boði. Hátt í 20 Íslendingar hafa skráð sig og það er mikil spenna í loftinu þar sem að Ísland mun taka við forsæti stjórnar EPTA og halda næstu alþjóðlegu ráðstefnu að ári liðnu.

Allar nánari upplýsingar er að finna á vefsíðunni https://www.eptanederland.nl/agenda/conference-2015/